ភ្នំពេញ ៖ នាព្រឹកថ្ងៃពុធ ១០កើត ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៤ ខែមីនា ឆ្នាំ២០២១នេះ លោក ឌី រ័ត្នខេមរុណ អភិបាលរង ខណ្ឌមានជ័យ បានអញ្ជើញចុះ សួរសុខទុក្ខ បងប្អូនប្រជាពលរដ្ឋដែលមកទទួលសេវាចាក់វ៉ាក់សាំងការពារជំងឺកូវីដ-១៩ ដែលប្រមុខរាជរដ្ឋាភិបាលផ្ដល់ជូនបងប្អូនប្រជាពលរដ្ឋដែលមានអាយុចាប់ពី៦០ឆ្នាំឡើង ដោយយុទ្ធនាការចាក់វ៉ាក់សាំងការពារជំងឺកូវីដ-១៩ ចាប់ពីថ្ងៃទី២៣ ខែមីនា ឆ្នាំ២០២១ រហូតដល់ ថ្ងៃទី០៦ ខែមេសាឆ្នាំ២០២១នេះ ក្នុងរដ្ឋបាលខណ្ឌមានជ័យ មានចំនួន ១ទីតាំងសម្រាប់ផ្ដល់សេវាជូនបងប្អូនប្រជាពលរដ្ឋក្នុងមូលដ្ឋានខណ្ឌមានជ័យ ។
នាឱកាសនោះដែរ លោក ឌី រ័ត្នខេមរុណ អភិបាលរង ខណ្ឌមានជ័យ និង ឯកឩត្តម ឡុង សត្យា ក៌បានបានលើកទឹកចិត្តក្រុមគ្រូពេទ្យ ដែលប្រចាំការក្នុងមណ្ឌលសុខភាពស្ទឹងមានជ័យ ចាំផ្តល់សេវាចាក់វ៉ាក់សាំងបង្ការជម្ងឺកូវីដ-១៩ ជូនបងប្អូនប្រជាពលរដ្ឋ រស់នៅក្នុងមូលដ្ឋាន ខណ្ឌមានជ័យ ចាប់ពីអាយុ ៦០ឆ្នាំ ឡើងទៅ និងបានឧបត្ថម្ភ នូវបាយ និងទឹកសុទ្ធ ជូនដល់ក្រុមគ្រូពេទ្យ ដែលកំពុងប្រចាំការផ្តល់សេវាចាក់វ៉ាក់សាំងបង្ការជម្ងឺ កូវីដ-១៩ នៅមណ្ឌលសុខភាពស្ទឹងមានជ័យ នេះផងដែរ ៕
